Í klóm kattarins

Við segjum sögu íslenska kattarins allt frá landnámi til dagsins í dag. Saman munum við skoða þjóðsögur og hjátrú um ketti á Íslandi og víðar um heim. Einnig verður farið yfir sögu kattarins annars staðar í heiminum.

Innifalið í ferðinni er heimsókn á hið eina sanna Kattakaffihús þar sem við fáum tækifæri til að klappa fallegum köttum á meðan við súpum heitan drykk og jöplum á íslensku bakkelsi.

Ef við erum heppin og kattaguðirnir leyfa, þá munum við hitta nokkra af frægustu köttum Reykjavíkur eins og Baktus, Jónsí, Ófelíu og fleiri.

Ferðin byrjar við Öndvegissúlurnar á Ingólfstorgi og endar í Höggmyndagarði Einars Jónssonar uppi á Skólavörðuholti.

Ferðin tekur um 2 klukkutíma. 10% af ágóða ferðarinnar fer til Kattavinafélags Íslands í Kattholti.